ELBASAN- Një krim krejtë i pazakontë është regjistruar mbrëmjen e kësaj fundjave në rrethin e Elbasanit. Një grua e moshuar rreth 91-vjeçe është gjetur e therur në grykë në rrethana krejt të panjohura në pyllin e fshatit Griqan, rreth 20km larg qytetit të Elbasanir. Burime të policisë bëjnë të ditur se shtetësja Farie Rançi 91-vjeçe është gjetyur nga nipërit e saj e pajetë në pyllin e këtij fshati, më pas është njoftuar policia dhe menjëher në vendin e ngjarjes kanë mbërritur forca të shumta policisë, të cilët po bëjnë ekspertizën për të përcaktuar shkakun e vdekjes.
Policia për momentin nuk jep një version rreth këtij krimi makabër, por pohon se po hetohet për ta zbardhur atë. Gruaja e moshuar bëhet e ditur nga familjarët se gjatë ditës së sotme ka qënë duke kullotur bagëtinë në pyllin e fshatit, kur ajo nuk është kthyer në mbrëmje në shtëpi është kërkuar nga nipërit e saj ku dhe e kanë gjetur trupin e pajetë të saj dhe me grykë të prerë. (a.r/news24/balkanweb)