TIRANE- Ura mbi Lanë në rrugën ‘Dëshmorët e 4 shkurtit’ është konceptuar jo vetëm si urë ku do të mbizotërojë kalimi i këmbësorëve, por edhe si urë për lëvizjen e automjeteve. Por deri tani edhe pse ura ka disa muaj që ka përfunduar së rikonstruktuari, ende nuk është hapur për makinat. Sipas bashkisë së Tiranës arsyeja pse nuk është hapur për makinat është se ende po shqyrtohet strategjia e trafikut në kryeqytet.  Me përfundimin e studimit për skemën e re të qarkullimit, skeme e cila do marrë parasysh gjurmën e re të Unazës së Vogël pas nevojës së spostimit të saj për arsye të zbulimeve arkeologjike pranë kalasë, ura do të hapet edhe për qarkullimin e automjeteve- pohojnë burime të bashkisë. Ndaj pritet që për një periudhe një ose dy mujore kjo rruge të jetë e hapur edhe për automjetete, pasi kështu është parashikuar edhe nga plani francez për qëndrën e kryeqytetit.

(a.r/news24/balkanweb)